Deputeti i Partisë Demokratike, Asllan Dogjani, ka komentuar zhvillimet e fundit pas përfundimit të procesit zgjedhor të 11 majit, duke ngritur shqetësime serioze për mënyrën si është administruar vota dhe për rolin e institucioneve përgjegjëse.
Dogjani theksoi se procesi nuk ka qenë as i ndershëm dhe as i ligjshëm, ndërsa akuzoi mazhorancën për kapje të institucioneve dhe manipulim të rezultatit përmes presioneve politike.
Ai kërkoi që çdo rast i dyshimtë të hetohet dhe të ndëshkohet sipas ligjit, për të rikthyer besimin e qytetarëve tek zgjedhjet dhe demokracia.
“Ato kutitë mund të rihapen prapë e mund të shkojnë në Kolegj, mund të shkojnë dhe tek SPAK. Për të vërtetuar këtë, KAS duhet të vepronte në këtë mënyrë, po marrim qendrën e votimit X. Në këtë qendër kanë lëvizur 5 vota të PD, 5 të PS, kaq të kandidatëve dhe bëhet një analizë për këtë gjë ku më pas kjo mbyllet.
Nuk mund të shkohet nga një qendër në tjetrën, këtu ishin 5, i shtohen dhe 4 dhe bëhen të barabarta dhe do duhej një analizë.
Marrim një qendër votimi, 43 vota i kanë kaluar Ervin Hoxhës, vetëm në një qendër dhe kjo gjë nuk bëhet padashje, por bëhet në mënyrë të qëllimshme dhe kjo qendër duhet të shkojë tek prokuroria e duhet t’i bëjë një analizë KAS, shkon në prokurori e këto komisionerë merren dhe pyeten: Si ka mundësi që ja kanë kaluar atij 43 vota?
Një votë dhe mund të bëhet gabim, dy mund të bëhen gabim, po nëse bëhen dy në çdo qendër, po këta për ti thënë opinionit publik sepse propagandën e kanë të madhe, i ka në kontroll, pra janë nën pushtetin e Ramës mediat.
Ne kemi kërkuar të rinumërohen këto vota, dhe unë kur kam çuar kërkesën ankimore kam paraqitur pamjet filmike, këto janë bërë me qëllim e nuk bëhet verifikimi dhe vlerësimi i votave siç e bëjnë këta.
Po tejtërsohet e manipulohet vota dhe nuk po marrim më vesh asgjë qytetarët, sepse kryeministri kontrollon çdo gjë nga sistemi i drejtësisë e deri te institucionet e tjera sepse kanë frikë se i largon nga puna“, tha Dogjani në Syri TV.
