Denoncimi i radhës ka të bëjë me një ngërç mes Gjykatës dhe Prokurorisë në Elbasan. Një qytetar ka kryer dy vitet e burgimit, masë kjo e dhënë nga Gjykata e Elbasanit, por nuk i sekuestrohen 2 celularët, që kishte para se të shkonte drejt qelisë.
Më datë 27 maj 2025 del nga burgu e të nesërmen bën një shkresë në Prokurori për kthimin e sendeve, por nuk merr përgjigje.
“Përshëndetje jam një qytetar i Elbasanit. Më datën 5 janar 2024 jam akuzuar për shtrëngim dhe marrje të pasurisë dhe dënohem nga Gjykata e Elbasanit me dy vite burg. Gjatë kryerjes së dënimit, mua më janë sekuestruar dy celularë. Më datën 27 maj kam dalë nga burgu, kurse në datën 28 kam bërë kërkesë në prokurori për kthimin e sendeve dhe nuk e di se çfarë po ndodh”, thotë denoncuesi për mikrofonin e emisionit “Stop”.
Pas shkresave që emisioni “Stop” i bën Gjykatës dhe Prokurorisë Elbasan, kjo e fundit sqaron se në vendimin e Gjykatës Elbasan, kjo e fundit është shprehur vetëm për personin dhe dënimin e tij, por jo për sendet personale, dhe për këtë “harresë”, duhet të bëjë një tjetër seancë, që të shprehet për sekuestron e sendeve personale./tvklan
