Milos Kerkez do të jetë afrimi i radhës te Liverpool. Kampionët e Anglisë kanë arritur marrëveshjen me Bournemouth, për të marrë shërbimet e mbrojtësit të majtë.
21-vjeçari spikati në sezonin e fundit në Premier League, duke bërë që në gjurmët e tij të vihen disa klube të mëdha.
Marrëveshja me lojtarin ishte arritur prej javësh, ndërsa tani Liverpool ka mbyllur akordin edhe me Bournemouth, në arkat e të cilëve do të paguhen rreth 46 milionë euro.
Kerkez do të firmosë kontratë pesëvjeçare, ndërsa në ditët e ardhshme do i nënshtrohet edhe vizitave mjekësore.
Në sezonin e fundit, lojtari hungarez u aktivizua në 41 ndeshje në të gjitha kompeticionet, ndërsa shënoi dy gola dhe dhuroi gjashtë asiste.
Liverpool është një nga ekipet më aktive në këtë merkato vere, pasi më herët ka siguruar lojtarë si Florian Wirtz dhe Jeremie Frimpong.
