Politologu Ilir Kalemaj thotë se nuk dihet se sa mund të zgjasë konflikti në Lindjen e Mesme, mes Izraelit dhe Iranit.
Duke folur për “MCN” ai deklaroi se Irani është i papushtueshëm, duke qenë se nuk mbështetet nga ndonjë shtet i fuqishëm. Sipas tij, synimi i kësaj lufte është fillimi nga pika zero i programit bërthamor të Iranit.
Kalemaj deklaroi se më shumë se sa ekzekutimin e liderit suprem të Iranit Ajatollah Ali Khamenei, qëllimi i SHBA dhe Izraelit është shkatërrimi i programit bërthamor.
“Irani nuk ka mbështetje të ndonjë shteti të fuqishëm. Irani ka tre centrale bërthamore, të cilat bëjnë pasurimin e uraniumit, vetëm njëri prej tyre ka pësuar pak dëmtime. Njëri që është më i fortifikuar, ndodhet brenda malit dhe aty ndodh pasurimi i uraniumit dhe shkatërrimi i saj do e kthente historinë nga pika zero.
SHBA kanë një lloj arme 14 ton, e cila mund të lançohet me anë të avionëve B2 amerikanë dhe nuk ka nevojë të shkojnë në bazat përreth Iranit. Këta avionë kanë kapacitetin për ta goditur dhe shkatërruar, të paktën teorikisht.
Prandaj Trump në deklaratën e tij që bëri bujë që foli dhe tha se ne e dimë se ku ndodhet Ajatollah Ali Khamenei, la të kuptohet se për momentin është i sigurt.
Shumë herë më e rëndësishme se nxjerrja jashtë loje 86-vjeçare e Khameneit, është nxjerrja jashtë loje dhe fillimi nga pika zero i programit bërthamor të Iranit. Por për këtë ka debate brenda SHBA. Nga Izraeli ishte një operacion i mirëorganizuar më parë dhe kanë përdorur infiltrime dhe për të shënjuar me saktësi objektivat.” – tha Kalemaj.
