Napoli dëshiron të bëjë një merkato të fuqishme për vitin e ardhshëm, ku do të luajë edhe në Champions League. Nga lëvizjet e para të kampionëve të Italisë kupton se çfarë e bindi Antonio Conte për të qëndruar.
Pas njoftimeve zyrtare të De Bruyne dhe Marianucci, klubi napoletan është hedhur mbi një prej yjeve të Serisë A në sezonet e fundit: Ademola Lookman. Nigeriani ishte tashmë pranë lamtumirës nga Atalanta dhe te Napoli e shohin si profilin optimal për të mbushur boshllëkun e lënë nga largimi i Kvaratskhelia.
De Laurentiis dhe Manna duan t’i japin Conte një tjetër lojtar kryesor, pikërisht ata që nuk mund të gjenin në merkaton e dimrit. Trajnerit i pëlqen profili i Lookman, ai kërkon një projekt të ri dhe gjithashtu në planin ekonomik bie brenda parametrave që Napoli ka vendosur.
Atalanta kërkon rreth 50 milionë euro, shumë që Napoli mund ta përballojë, por problem mund të jetë konkurrenca nga Premier League dhe La Liga. Conte është një garanci taktike për shumë lojtarë dhe nigeriani mund të jetë një prej tyre për t’u çiftuar me Lukaku në sulm.
