Kryeministri izraelit Benjamin Netanyahu ka reaguar pas kundërpërgjigjes së Iranit, drejt Tel Aviv dhe Jeruzalemit.
Netanyahu thotë se lufta e Izraelit nuk është me popullsinë e Iranit, por lidershipin. Ai paralajmëroi më shumë goditje kundrejt Iranit, në zona ushtarake dhe bërthamore.
Kryeministri izraelit iu drejtua qytetarëve iranianë, duke u bërë thirrje të ngrihen dhe që zërin i tyre të dëgjohet. Ai theksoi se qëllimi i Izraelit është të ndalojë kërcënimin bërthamor dhe të raketave që vjen nga Irani.
“Popull krenar iranian, jemi në mes të një prej operacioneve ushtarake më të mëdha në histori, operacioni “Zgjimi i Luanit”. Teksa ne arrijmë qëllimin tonë, po hapim rrugën edhe për ju që të arrini lirinë tuaj.
Regjimi islamik, që ju ka shtypur për gati 50 vjet, kërcënon të shkatërrojë Izraelin. Siç kam thënë dje dhe shumë herë më parë, lufta e Izraelit nuk është kundër popullit iranian, por kundër regjimit islamik që ju shtyp dhe ju varfëron.
Populli iranian dhe ai izraelit kanë qenë miq që nga koha e Kirut të Madh. Ka ardhur koha që populli iranian të bashkohet rreth flamurit dhe trashëgimisë së tij historike, duke u ngritur për lirinë e vet.” – tha ai.
