Policia e Vlorës ka bllokuar disa mjete lundruese pasi kanë pasur mungesë dokumentacioni dhe kanë shkelur perimetrin e sigurisë në Ksamil.
Policia bën me dije se nga 132 mjete lundruese të kontrolluara gjatë ditëve të fundit, nga Ksamili në Sarandë, 41 rezultuan në paligjshmëri.
Nga 41 mjetet lundruese të bllokuara, janë 7 Jet Ski, 34 gomone dhe skafe).
Po ashtu, drejtuesit e këtyre mjeteve lundruese u ndëshkuan për shkeljet si vijojnë:
- 3 për shkelje të perimetrit të sigurisë – masa administrative 100 000 lekë secili;
- 2 për tejkalim të numrit të personave që lejohen në bord – masa administrative 30 000 lekë secili;
- 1 për ushtrim të aktivitetit pa licencë – masa administrative 100 000 lekë;
- 1 për mosregjistrim të pronësisë mbi mjetin lundrues – masa administrative 20 000 lekë;
- 34 për mungesë të dokumentacionit në bord – masa administrative 10 000 lekë secili.
