Një tjetër rast i shpërndarjes së lëndëve narkotike është goditur nga policia në qytetin e Vlorës.
Një 17-vjeçar, banues në Vlorë, u kap në flagrancë nga shërbimet e Forcës së Posaçme “Shqiponja”, teksa shpërndante lëndë narkotike në lagjen “Pavarësia”.
Policia kishte marrë informacion nga inteligjenca policore për aktivitetin kriminal të të miturit. Pas një kontrolli personal, efektivët i gjetën dhe sekuestruan 57 doza droge, të ndara gati për shitje — konkretisht 39 doza cannabis sativa dhe 18 doza kokainë.
