Italia është aktualisht është pa trajner, ndërsa rrezikon të mos marrë pjesë në Botërorin e tretë radhazi dhe për më tepër, nuk duket se ka dritë në fund të tunelit për të.
Pas shkarkimit të Spaletit, Italia ktheu sytë nga Claudio Ranieri, duke shpresuar që ai të bënte mrekullinë e radhës.
Por në fund ai vendosi të thoshte “jo”, duke preferuar që të vazhdonte punën e tij te klubi i Romës ku do të jetë këshilltar i presidentit Fridkin.
Por ai nuk ka qenë i vetmi. Mediat italiane raportojnë se Federata Italiane ka kontaktuar edhe Stefano Piolin për t’i dhënë drejtimin e përfaqësueses.
Edhe ky i fundit ka refuzuar, duke i bërë të qartë situatën e tij. Pioli aktualisht është nën kontratë me arabët e Al Nasr. Megjithatë, ai pritet që të largohet së shpejti nga ky klub dhe të kthehet në Itali.
Pioli i ka thënë parimisht “po’ Fiorentinës dhe ka shpjeguar se nuk dëshironte të dilte kundër fjalës së dhënë, duke refuzuar kësisoj mundësinë që të drejtonte Italinë.
