Avokati i Ilir Metës, Kujtim Cakrani, në një lidhje direkte për A2 CNN, deklaroi se kreu i Partisë së Lirisë do të lirohet shumë shpejt. Ai tha se më 10 Qershor bëhet një vit nga koha kur Meta është regjistruar si person nën hetim dhe sipas tij është ezauruar çdo afat procedurial.
“Besoj se shumë shpejt do të lirohet. Është ezauruar çdo veprim dhe kuptohet qartë që edhe SPAK-u është sforcuar shumë. Në datën 10 të këtij muaji bëhet 1 vit që zoti Meta është regjistruar si person nën hetim, kështu që besoj se është ezauruar çdo afat edhe procedurial. SPAK-u nuk ka çfarë provash të tjerë të mbledhë për zotin Meta. Besoj se brenda verës zoti Meta do të jetë person i lirë. Por, mos të harrojmë që çështjet politike janë shumë të vështira të çmontohen juridikisht”, tha Cakrani.
Avokati tregoi edhe gjendjen aktuale të Ilir Metës, ku tha se ai është shumë mirë dhe orienton partionë nga qelia.
“Zoti Meta është në gjendje shumë të mirë fizike. Punon çdo ditë, orienton partinë, shkruan, bën palestër, kështu që është në gjendje shumë të mirë dhe në formë si nga ana fizike, ashtu edhe morale” – tha Cakrani.
