Elon Musk ishte një kampion kyç brenda Shtëpisë së Bardhë për shkurtimin e shpenzimeve qeveritare, duke i udhëhequr këto përpjekje nëpërmjet iniciativës së tij Doge.
Sipas mediave të huaja, pavarësisht mosmarrëveshjes me Trump, lëvizjet e Musk kanë pasur tashmë një ndikim të madh, siç nënvizohet nga raporti mujor i punësimit.
Raporti, i cili doli sot, tregoi se qeveria federale humbi 22,000 vende pune muajin e kaluar. Ndërsa në tërësi janë 59 mijë të punësuar më pak që nga janari, shkruan A2 CNN.
Kjo lloj rënieje është e pazakontë dhe ende nuk përfshin numrin e njerëzve me leje të paguar ose me ndërprerje të marrëdhënieve të punës, gjë që mund ta çojë numrin total më lartë.
Në përgjithësi, raporti tregoi se punëdhënësit amerikanë shtuan 139,000 vende pune muajin e kaluar, ndërsa shkalla e papunësisë mbeti e qëndrueshme në 4.2%, pavarësisht trazirave të shkaktuara nga tarifat dhe politikat e tjera.
