Gazetari Igli Çelmeta në një lidhje live me emisionin “Log.” e ka cilësuar sfidë për sigurinë, ndeshjen e futbollit të 7 qershorit në “Air Albania” mes Kombëtares shqiptare dhe Serbisë.
“Rreth 2 mijë forca të rendit e sigurisë do të jenë në terren prej ditës së nesërme ( e premte 6 qershor). Për herë të parë angazhohet një numër i tillë efektiva të policisë”, tha Çelmeta.
Sipas tij, nesër mbërrin dhe ekipi serb i futbollit. Gazetari Çelmeta tha se i gjithë stafi i sigurisë në ekipin serb vijnë nga Beogradi po ashtu dhe kuzhinieri.
“Ata do të vijnë vetëm për të fjetur gjumë, pasi dhe ushqimin do ta kenë marrë me vete në Tiranë. Nesër akomodohen në hotelin pranë stadiumit “Air Albania”.
Po ashtu, gazetari tha se dhe kontrolli i tifozëve në stadium do të nisë 3 orë para ndeshjes.
“Ata do të futen në orën 18:00 dhe do të kalojnë në 3 sektorë kontrolli”, shtoi gazetari Igli Çelmeta.
