Filantropi dhe themeluesi i kompanisë “Microsoft”, Bill Gates, është shprehur se pjesa më e madhe e pasurisë së tij, do i shkojë investimeve në Afrikë.
Pasuria e tij e cila është e vlefshme prej 200 miliardë dollarësh, pjesa më e madhe e saj do të shkojë për përmirësimin e shërbimeve shëndetësore dhe arsimore në Afrikë, përgjatë 20 viteve të ardhshme, raporton BBC.
“Duke çliruar potencialin njerëzor përmes shëndetit dhe arsimit, çdo vend në Afrikë duhet të jetë në rrugën e prosperitetit”, shprehet Gates.
Thirrje pati dhe për inovatorët afrikanë, teksa ndodhej në kryeqytetin e Etiopisë, Addis Ababa. Gates kërkon që mendjet e ndritura të Afrikës të mendojnë se si të ndërtojnë Inteligjencën Artificiale, një teknologji kjo që të shërbejë për përmirësimin e kujdesit shëndetësor në këtë kontinent.
E gjithë kjo vjen pas një vendimi të Gates për dhurimin e 99% të pasurisë së tij deri në vitin 2045, kur dhe fondacioni i tij të ketë përfunduar misionet e tij. Fondacioni i tij ka një histori të gjatë veprimi në Afrikë, teksa ka 3 përparësi: t’i jepen fund vdekjeve të parandalueshme të nënave e foshnjave, të sigurohet që brezi i ardhshëm të rritet pa vuajtur nga sëmundjet infektive vdekjeprurëse dhe të nxjerrë miliona njerëz nga varfëria.
Që nga themelimi, fondacioni i Gates ka dhuruar 100 miliardë dollarë, duke ndihmuar në shpëtimin e miliona jetëve.
