Festimet e tifozëve francezë pas fitores 5-0 të Paris Saint-Germain ndaj Interit në finalen e Ligës së Kampionëve në Mynih u shndërruan në tragjedi. Dy persona ndërruan jetë ndërsa 192 të tjerë u plagosën.
Në Dax, në departamentin e Landes, një djalë 17-vjeçar u godit me thikë për vdekje teksa po festonte. Viktima u dërgua me urgjencë në spital, por fatkeqësisht ndërroi jetë si pasojë e plagëve të marra. Shkaku i sulmit është ende i panjohur.
Ndërkohë një 20-vjeçare vdiq pasi skuteri me të cilin po udhëtonte u godit nga një makinë që transportonte tifozë, në bregun jugperëndimor të Senës në Paris, shkruan La Repubblica.
Qindra mijëra tifozë u mblodhën në kryeqytetin francez për të parë përballjen e PSG-së me Interin në Mynih, si në “Parc des Princes” dhe rreth qytetit, por kjo u shndërrua në skena që e shtynë Ministrin e Brendshëm Bruno Retailleau të thoshte “barbarët kanë dalë në rrugët e Parisit”.
Pavarësisht thirrjeve të PSG-së dhe lojtarëve të saj për të festuar me qetësi, festimet u përkeqësuan pas përleshjeve të dhunshme dhe zjarreve që shpërthyen nëpër qytet.
Des supporters du Paris Saint Germain envahissent le périphérique. Intervention de la BRAV-M pour disperser et rétablir la circulation. #PSGINT #ParisSaintGermain pic.twitter.com/2BGhmmSANe
— CLPRESS / Agence de presse (@CLPRESSFR) May 31, 2025
Deri të dielën në mëngjes, 559 persona janë arrestuar dhe policia u detyrua të evakuonte Champs Élysées.
Videoja e marrë nga The Sun tregon automjete të djegura në rrugët e Parisit dhe mediat franceze raportuan raste të shumta vandalizmi ndaj dyqaneve dhe makinave.
