Komisioni i Ankesave dhe Sanksionimit në dhomë këshillimi nuk ka legjitimuar kërkesën e katër kandidatëve të PD që kërkonin rinumërim në qarkun Tiranë dhe Durrës.
Sipas KAS, një kërkesë e tillë legjitimohet vetëm nëse vjen përmes subjektit politik. Ilir Alimehmeti, Mimoza Hajdarmataj, Lisandër Hoxha dhe Aulon Kalaja, ishin katër kandidatët që kërkuan rinumërim të votave.
Ndërkohë më herët sot në mbledhje pati tensione dhe debate, teksa shqyrtohej ankimimi i Partisë Demokratike për qarkun e Dibrës.
Anëtari i KAS, Ilir Rusmali debatoi me juristin e PD-së Marash Logu, që kërkoi pavlefshmërinë dhe përsëritjen e zgjedhjeve në Dibër.
Logu kërkoi hapjen e kutive te KZAZ 18 në Bulqizë, pasi nga pamjet filmike kanë konstatuar parregullsi.
