Një aksident me vdekje është regjistruar paraditen e kësaj të enjte, rreth orës 10:00, në vendin e quajtur “Zogu i Zi”, në qytetin e Fierit.
Autoritetet policore raportojnë se automjeti i drejtuar nga shtetasi E. D., 23 vjeç, ka përplasur këmbësorin, shtetasin V. F., 82 vjeç. Ky i fundit si pasojë e përplasjes së fortë ka ndërruar jetë në vendin e ngjarjes.
Drejtuesi i automjetit është shoqëruar në Komisariatin e Policisë për veprime të mëtejshme procedurale. Policia thotë se grupi hetimor po punon për zbardhjen e plotë të rrethanave të aksidentit dhe përcaktimin e shkakut.
