Për kandidatin për deputet të PD, Ilir Alimehmeti është e pakuptueshme dhe e pashpjegueshme që KQZ, ende nuk ka një përgjigje për rritjen e numrit të zarfeve të diasporës për Qarkun e Tiranës e jo vetëm.
Alimehemeti, shprehet se KQZ duhet të rishohë ‘boom-in’ e votave të diasporës në Tiranë, për të kuptuar se çfarë ka ndodhur me votën e shqiptarëve.
Për kandidatin për deputet, jo vetëm media po e merr të mirëqenë dhe normale, vjedhjen e votës, por edhe vetë institucionet, që janë garante të votës.
Sipas Alimehmetit, nëse shteti është palë me shtetin, atëherë ngritja e organeve, siç është rasti i Task Forcës së SPAK, është sinjal domethënës që krimet zgjedhore nuk do të ndiqen e as hetohen.
“U bë ankimimi, sot ishte dita e fundit e ankimit në KQZ, është e njëjta KQZ që për diasporën tha se kishte 42 mijë, pastaj 43 mijë e tani 47508, mbi 10% e zarfeve shtohen mbrapa. KQZ s’di çka shtëpia e vet. Janë aq të dukshme këto sa të më thuash se këtu s’ka asgjë?! KQZ duhet të rishohë siç duhet për të kuptuar se çfarë ka ndodhur me votën e shqiptarëve. Është kërkuar ripërsëritja e zgjedhjeve në disa qarqe. Po t’i kuptojmë me shifra është i nevojshëm rishikimi i këtyre votave.
Në atë anekdotën që u vodh lopa, s’diskutohet kurrë për hajdutin. Më duket se media e merr të mirëqenë së është normale që ata të vjedhin. Mbrojtjen e zgjegdhjeve e ka vetë shtetin ndaj i kemi institucionet, opozita s’duhet ta bëjë. Nëse ne duhet t’i nxjerrim provat, ata s’kanë prova asnjëherë. Nëse do duhet ta bëjmë këtë është se shteti është i kapur, dhe së dyti s’e bën punën e vet. Nuk patëm raste ndërhyrjesh flagrante kur shkeljet i kishim aty. Nuk ndërhynin. Gjen 20 vetë në një QV, e çfarë bën??1 Nëse shteti është palë me shtetin i bie që këto organe i kemi ngritur në piedestal kot, sidomos këtë Task Forcën.
Fakti që nuk ndërhyri, jep sinjal. Kishim dosjen e 2021 të pa hetuar. Nëse lë të mbarojë legjislaturën, mbaroi efekti, u bë dëmi. Por u dha modeli i keq, ju vidhini. Më 2025jenpi të njëjtën gjë bëni vjedhje, vidhni e vazhdoni në pushtet se asgjë s’ju ndodh.
Ne na ka munguar qëndrimi në aleancë me të keqen. Kemi këto fenomene që prodhon PS në qarqe të ndryshme, njerëz që s’i njeh kurrkush e bëhen fenomene që marrin qindra mijëra vota. E kuptojnë dhe vetë se sa superxhiro u ka marrë puna e vet. Si është e mundur që në çdo tavolinë e dinë, kanë dhe çmimin e votës, kush i merr, i dinë të gjithë njerëzit. Të vetmit që s’i dinë janë zyrtarët. Kjo është fatkeqësia jonë”, tha Alimehmeti.
