Monika Kryemadhi është paraqitur sot në SPAK, pasi juristi Romeo Kara, i ka kallëzuar për “shpifje” dhe “fyerje”.
E pyetur nga gazetarët në lidhje me situatën e zgjedhjeve pasi ish bashkëshorti i saj, Ilir Meta nuk arriti të merrte një mandat, ajo refuzoi të përgjigjej duke thënë: Nuk dua të komentoj më asnjë gjë për politikën! E kam mbyllur atë hesap.
U padit për shpifje, Monika Kryemadhi paraqitet për seancën në GJKKO
Ndërkohë SPAK sot ka marrë zyrtarisht të pandehur kreun e Partisë së Lirisë, Ilir Meta dhe ish-bashkëshorten e tij Monika Kryemadhi, për dosjen e lobimit të LSI në SHBA dhe aferën CEZ-DIA.
Ish-çifti Meta-Kryemadhi, të cilët u divorcuan pak kohë më parë, janë hetuar për korrupsion, pastrim parash dhe mosdeklarim apo fshehje pasurie.
Brenda pak ditësh, SPAK pritet të dërgojë dosjen në gjykatë, ku në seancë paraprake GJKKO do të vendosë nëse çështja do të kalojë për gjykim, do të kthehet për plotësim, apo do të pushohet.
