Mbrëmjen e sotme përcaktohet kampioni i Serie A për sezonin 2024-2025, ku Napoli dhe Interi do të zbresin në fushl për të luajtur ndeshjet e fundit të kampionatit për këtë sezon
Napoli pret në shtëpi Cagliarin dhe në rast fitoreje, siguron vendin e parë, pa u interesuar për rezultatin e ndeshjes së Interit. Te Cagliari e nis si titullar edhe portieri i Shqipërisë, Alen Sherri. Ai ka arritur të marrë një fanellë titullari sot për shkak se portieri i parë i Cagliarit, Elia Caprile është i huazuar nga Napoli dhe do të ishte i pamotivuar sot në ndeshjen që vendoset titulli.
Zikaltërit luajnë në transfertë ndaj Comos, por nuk e kanë titullin në dorë. Interi do të kërkojë fitoren, për të shpresuar në një barazim ose humbje të skuadrës së Contes.
Por, duket se trajneri Inzagi nuk beosn shumë te mrekullia dhe ka vendosur të bëjë rotacion duke menduar për finalen e Ligësë së Kampioneve.
Titullar te Interi luan Kristian Asllani, teksa titullar është edhe Amir Rrahmani te Napoli, por në fund vetëm njëri do të festojë.
Napoli mban vendin e parë me 79 pikë, ndërsa Interi renditet i dyti me 78 pikë. Në rast barazimi pikësh, titulli do të vendoset në një duel shtesë mes Napolit dhe Interit.
Formacionet zyrtare:
Napoli-Cagliari
Como-Inter
