Turqia po bën hapa të mëdhenj drejt modernizimit të ushtrisë së saj dhe po rrit ndjeshëm ndikimin ushtarak në rajonin e Mesdheut, duke sfiduar kështu Francën, e cila deri më tani konsiderohej fuqia ushtarake më e madhe evropiane në këtë zonë. Në qendër të këtij zhvillimi është projekti KAAN, një avion luftarak i teknologjisë së avancuar, i projektuar nga Turkish Aerospace Industries, i cili pritet të hyjë në shërbim në vitin 2030.
Avioni KAAN, fillimisht i parashikuar për t’u përdorur nga forcat ajrore nga baza tokësore, tashmë po pësojnë modifikime që do t’i mundësojnë operimin nga aeroplanmbajtësja e klasës MUGEM, ndërtimi i së cilës ka nisur më 2 janar 2025. Për këtë qëllim, avioni do të përshtatet për fluturime detare dhe me krahë të palosshëm, duke e bërë të aftë për operacione në det të hapur.
Këto përpjekje të Turqisë për të rritur kapacitetin ushtarak po e afrojnë gjithnjë e më shumë me statusin e fuqisë kryesore në Mesdhe, përballë Francës Aktualisht, Turqia ka ushtrinë e dytë më të madhe në NATO pas Shteteve të Bashkuara, dhe synon të zgjerojë më tej ndikimin në rajonin e Lindjes së Mesme dhe Mesdheut.
Megjithatë, pavarësisht rritjes së kapaciteteve konvencionale, Franca mbetet një fuqi bërthamore, çka e pozicionon ende si forcë kryesore në Mesdhe. Edhe pse Turqia po avancon me shpejtësi në aspektin teknologjik dhe numerik, balanca ushtarake mbetet ende e ndikuar nga kapacitetet strategjike të armëve bërthamore të Francës./ A2CNN
