Turma të mëdha të palestinezë presin në radhë të gjata për ushqim në Rripin e Gazës, derisa kriza humanitare në enklavë intensifikohet mes bllokadës së vazhdueshme dhe operacioneve ushtarake të Izraelit.
Organizatat bamirëse po bëjnë përpjekje për të shpërndarë vakte të ngrohta, mes turmave të mëdha, përfshirë fëmijë, të cilët rreshtohen në radhë me shpresën për të marrë pak ushqim.
Dëshpërimi në rritje shkakton skena kaotike me shpërndarjen e ushqimit., duke nxjerrë në pah kushtet e përkeqësuara në Gaza.
Me burime të kufizuara dhe zhvendosje të vazhdueshme të palestinezëve, lufta për mbijetesë në Gaza nuk po tregon shenja të lehtësimit.
Që nga 2 marsi, Izraeli i ka mbajtur kalimet e Gazës të mbyllura për ndihmë ushqimore, mjekësore dhe humanitare, duke thelluar më tej krizën tashmë humanitare në enklavë.
Duke refuzuar thirrjet ndërkombëtare për armëpushim, ushtria izraelite vazhdon me ofensivën brutale kundër Gazës që nga tetori i vitit 2023, duke vrarë të paktën 53.600 palestinezë, shumica prej tyre gra dhe fëmijë.
Nëntorin e kaluar, Gjykata Ndërkombëtare Penale lëshoi urdhër-arreste ndaj kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli përballet gjithashtu me një padi për gjenocid në Gjykatën Ndërkombëtare të Drejtësisë për luftën në enklavën palestineze.
