Udhëheqësi Suprem i Iranit, Ajatollah Ali Khamenei, ka deklaruar se kërkesat e SHBA-së që Teherani të ndërpreresë programin e pasurimit ose dorëzimi i rezervave të uraniumit janë “të tepërta dhe skandaloze”.
“Nuk mendoj se bisedimet bërthamore me SHBA-në do të sjellin rezultate. Nuk e di çfarë do të ndodhë”, tha Khamenei, duke shtuar se Uashingtoni duhet të përmbahet nga kërkesat e tepruara në negociata.
Pavarësisht pritjeve se një raund i pestë negociatash mund të zhvillohet gjatë fundjavës në Romë, bisedimet bërthamore janë në terren ende nuk kanë prodhuar rezultate reale, pasi si Irani ashtu edhe SHBA-ja janë përplasur për çështjen e pasurimit të uraniumit.
Zëvendësministri i Jashtëm Majid Takht-Ravanchi ka bërë të ditur se bisedimet do të dështojnë nëse Uashingtoni këmbëngul që Teherani të përmbahet nga pasurimi vendas i uraniumit, të cilin SHBA-të e konsiderojnë si një rrugë të mundshme për zhvillimin e bombave bërthamore.
Teherani thotë se programi i tij i energjisë bërthamore ka qëllime tërësisht paqësore. Më herët edhe Ministri i Jashtëm i Iranit, Abbas Araghchi, deklaroi se i dërguari i Donald Trump për Lindjen e Mesme, Steve Witkoff, nuk ishte në dijeni të realitetit të negociatave.
Araghchika përsëritur qëndrimin e Iranit në përgjigje duke thënë se “pasurimi i uraniumit do të vazhdojë”, por Irani është i gatshëm të bashkëpunojë për të siguruar që të mos prodhohen armë bërthamore. Steve Witkoff gjatë takimeve me negociatorët iranianë është shprehur se pasurimi është një “vijë e qartë e kuqe” për Shtetet e Bashkuara në bisedimet bërthamore Iran -SHBA.
Presidenti amerikan e ka paralajmëruar vazhdimisht Iranin se SHBA-ja do të kryej sulme dhe do të përballet me sanksione të ashpra nëse nuk arrin një kompromis për të zgjidhur programin e tij bërthamor të diskutueshëm.
