Tizhani Reijnders është kthyer në objektivin e merkatos së verës për Man.City-n dhe klubi anglez po bëhet gati që t’i bëjë një ofertë konkrete Milanit për mesfushorin holandez, nga të paktët që ka tejakuar pritshmërinë në këtë sezon.
Lojtari ka shënuar 15 gola e ka dhënë 5 asiste në këtë sezon ku gjërat nuk kanë shkuar siç duhet për klubin italian, duke qenë ndër lojtarët më të spikatur ë tij.
Ai ka luajtur 52 ndeshje në këtë edicion duke shfaqur një rregullsi të admirueshme dhe pikërisht kjo qëndrueshmëri në paraqitjet e tij ka bërë që Pep Guardiola të hedhë sytë nga mesfushori.
“Corriere Dello Sport” bën të ditur se shifra që pritet të ofrojnë anglezët është rreth 55 milionë euro. Por Milani synon që shuma të shkojë deri në 70 milionë euro, për të shënuar një plusvalencë të rëndësishme me lojtarin të cilin e transferuan nga AZ Alkmar në vitin 2023 për vetëm 19 milionë euro.
