Java e para-fundit, ajo e 37-të në La Liga, ka sjell disa rezultate interesante, me Barcelonën që u shpall kampion javën e kaluar, por sot dështoi të fitojë në shtëpi para tifozëve të vet, ndërsa dy skuadrat madrilene siguruan fitore bindëse.
Barcelona u mposht nga Villarreali me rezultat 3-2, në një ndeshje dramatike ku miqtë dolën me tri pikë të plota.
Ayoze Perez i kaloi në epërsi Villarealin në minutën e katërt, por Lamine Yamal i barazoi shifrat në minutën e 38-të.
Në minutën e pestë shtesë të pjesës së parë, Fermin Lopez, e kaloi në epërsi Barçën. Villarreali e barazoi rezultatin në minutën e 51-të fal golit që e realizoi Santi Comesana. Tajon Buchanan e shënoi golin e fitores për 3:2 në minutën e 80-të.
Real Madridi, triumfoi me rezultat 2-0 në transfertë ndaj Sevillës, duke u kthyer te fitorja. Mbappe shënoi golin e parë në minutën e 75-të, ndërsa golin e dytë e shënoi në minutën e 87-të, Jude Bellingham.
Ndërkohë, Atletico Madridi shfaqi formë të shkëlqyer në ndeshjen ndaj Real Betisit, duke fituar me rezultat të thellë 4-1 dhe duke konfirmuar vendin e tretë në klasifikim.
Julian Alvarez realizoi dy gola e një asistim. Shënoi në minutën e 10-të për 1:0, ndërsa Robin Le Normand e dyfishoi rezultatin. Pablo Fornals shënoi për miqtë në minutën e 67-të. Alvarez më pas shënoi për 3:1 në minutën e 75-të, kurse Angel Correa e vendosi rezultatin përfundimtar me gol në minutën e 96-të.
Në ndeshjet e tjera, Leganesi fitoi me rezultat minimal në transfertë, duke mposhtur Las Palmasin (1-0), ndërsa Getafe tregoi efikasitet në sulm dhe mori një fitore të rëndësishme në fushën e Mallorcës me rezultat 2-1.
Osasuna dominoi ndaj Espanyolit me dy gola dhe arkëtoi fitore të merituar në shtëpi, ndërsa në një nga ndeshjet më dramatike të javës u zhvillua në San Sebastian, ku Sociedad mposhti Gironën me rezultat të ngushtë 3:2.
Athletic Bilbao tregoi superioritet ndaj Valencias dhe me dy gola të bukur arriti një fitore të pastër, duke konfirmuar pozitën që dërgon në Ligën e Kampionëve. Alavesi fitoi me rezultat minimal në transfertë (1-0) ndaj Real Valladolid.
