Një aksident ka ndodhur pasditen e sotme në bulevardin “Zhan D’ark” në Tiranë. Mësohet se një mjet është përplasur me një motor.
Si pasojë e aksidentit kanë mbetur të plagosur drejtuesit e të dy mjeteve.
“Me datë 17.05.2025, rreth orës 19:15, në bulevardin “Zhan D’ark”, automjeti me drejtues shtetasin L. M., është përplasur me motomjetin me drejtues shtetasin J. I dhe pasagjer shtetasin A. M.
Si pasojë e përplasjes janë dëmtuar shtetasit J. I dhe A. M, të cilët janë dërguar në spital dhe ndodhen nën kujdesin e mjekëve.”- njofton policia.
Policia dhe grupi hetimor ndodhen në vendngjarje dhe po zbardhin rrethanat e aksidentit.
