“Në Europë nuk shkon kurrë me vota të vjedhura, zgjedhje farsë dhe narko-shtet!”, është mesazhi i Sali Berishës ndaj Edi Ramës pak para protestës së thirrur sot pasdite, si një akt ndaj manipulimit të rezultatit të zgjedhjeve, duke i quajtur procesin më të grabitur ndonjëherë në historinë shqiptare.
Më herët gjatë ditës, Berisha demaskoi farsën zgjedhore të 11 majit në Samitin e IDU në Bruksel. Gjatë fjalës së tij, Berisha u shpreh se narkoshteti vodhi zgjedhjet.
Ai tha se zgjedhjet u zhvilluan në klimë terrori, ndërsa Kryeministri përdori administratën në makineri elektorale, duke falur gjobat, zhvilluar tendera e prokurime për investime publike në periudhën e fushatës zgjedhore.
“Gjatë fushatës, Kryeministri dha 138 licenca për mbjelljen e dhjetëra mijëra rrënjëve kanabisi”, tha Berisha ndërsa kërkoi mbështetjen e IDU-s që në Shqipëri të zhvillohen zgjedhje të lira.
