Kryeministri i Britanisë së Madhe, Keir Starmer ndodhet për një vizitë zyrtare në Tiranë, ku pas vizitës me homolun e tij, Edi Rama, kanë në një konferencë të përbashkët për mediat.
Pas pyetjes nga gazetarët, Edi Rama e ka mohuar që të ketë më Britaninë e Madhe apo me vende të tjera marrëveshje të ngjashme si ajo me Italinë për refugjatët ilegalë nga vendet e Afrikës. Rama tha se marrëveshja me Italinë është bërë për shkak të marrëdhënies së veçantë mes dy vendeve dhe falë situatës gjeografike.
Ai shtoi më tej se janë shumë shtete të tjera që i kanë kërkuar Shqipërisë që të nënshkruajnë marrëveshje të njëjta si me Italinë, por sipas tij, vendi ynë është besnik ndaj martesës me Italinë dhe marrëdhëniet me vende të tjera sipas kryeministrit, janë thjeshtë dashuri.
“Kam qenë shumë i qartë që prej ditës së parë që kur nisëm këtë proces me Italinë, që kjo ishte një marrëveshje e vetme me Italinë, për shkak të marrëdhënies sonë të veçantë, por edhe falë situatës gjeografike që është tejet kuptimplotë. Për të qenë i sinqertë me ju, na kanë kërkuar një sërë vendesh nëse ishim të hapur për një gjë të tillë dhe ju kemi thënë jo, sepse jemi besnik martesës me Italinë dhe pjesa tjetër është thjesht dashuri”, tha Rama.
Nga ana tjetër, edhe kryeministri britanik ka thënë se vendi i tij po e diskuton një marrëveshje të tillë me shumë shtete të tjera.
“Po po e diskutojmë këtë çështje me një sërë shtetesh përsa u përket këtyre qendrave të kthimit. Dhe këtë e shoh në fakt si një çështje novatore të re dhe të rëndësishme, që është në përputhje me punën që ne kemi bërë për përshembull uljen e numrave nga Shqipëria, numrin rekord të kthimeve që ne kemi pasur… Edhe po i bëjmë këto diskutime ndërkohë”, tha Starmer
