Disa prej kandidatëve të Partisë Socialiste në listat e hapura, edhe pse kanë marrë votat e mjaftueshem për t’u bërë deputet, nuk do ta marrin dot mandatin për shkak se penalizohen nga gratë kandidate që janë poshtë tyre, të cilat do të futen në Kuvend të favotizuara nga kuotat gjinore.
Një situatë e tillë është në Berat, ku Julian Zyla dhe Erdis Hyka kanë marrë më shumë vota se Hatixhe Konomi, por do të jetë kjo e fundit që do të marrë mandatin e deputetit.
E njëjta situatë është edhe në Durrës ku deputeti Ilir Ndraxhi dhe kandidati Gentian Hilla kanë marrë më shumë vota se Etleva Budini, por mandatin do ta marrë kjo e fundit.
Po ashtu edhe në Qarkun e Korçës penalizohet Arian Jaupllari, megjithëse ka marrë më shumë vota se Besa Spaho.
E njëjta situatë duket edhe në Tiranë, ku Xhemal Qefalia deri më tani rezulton të jetë kandidati i 6 më i votuar tek lista e PS-së, por të pestë emrat sipërt tij janë po ashtu burra dhe mandatet do i marrin Anila Denaj dhe Kejsi Elezaj, edhe pse kanë më pak vota se Qefalia.
BERAT
- Julian Zyla – 4612
- Erdis Hyka – 4138
- Hatixhe Konomi – 3372 (merr mandatin)
DURRËS
- Ilir Ndraxhi – 6382
- Gentian Hilla – 4882
- Etleva Budini – 3967 (merr mandatin)
KORÇË
- Arian Jaupllari – 7430
- Besa Spaho – 6691 (merr mandatin)
TIRANË
- Xhemal Qefalia – 5674
- Anila Denaj – 4321 (merr mandatin)
- Kejsi Elezi – 3944 (merr mandatin)
