Mediat kane denoncuar disa raste të manipulimit industrial të votave nga Edi Ramës, përmes një skeme të njohur si ‘treni bullgar’.
Kjo skemë e frikshme ka funksionuar prej dekadash në disa vende të ndryshme dhe sipas ekspertëve mund të sigurojë manipulimin e qindra mijëra votave. Por si funksionon?
1. Organizatori jashtë qendrës së votimit ka një fletë votimi të marrë më parë në mënyrë të paligjshme ose të falsifikuar (pra, është autentike). Ai e plotëson këtë fletë me kandidatin që dëshiron, pastaj ia jep votuesit të rekrutuar.
2. Votuesi i rekrutuar merr këtë fletë të fshehur të plotësuar jashtë nga rekrutuesi dhe futet në qendrën e votimit.
Brenda qendrës së votimit, votuesi merr fletën e tij të paplotësuar, që sapo ia ka dhënë komisioni, drejtohet drejt dhomës së fshehtë dhe këtë fletë e palos të paplotësuar e fsheh (në xhep ose mënyra të tjera) dhe del nga aty, fut në kutinë e votimit fletën e plotësuar më parë që e kishte marrë nga jashtë.
3. Fleta e pastër që ai fshehu, dorëzohet përsëri tek organizatori jashtë kundrejt shpërblimit të premtuar. Organizatori e plotëson sërish dhe ia jep votuesit tjetër të radhës, radhës, radhës.
4. Ky proces përsëritet ciklikisht, ndaj krahasohet me një “tren” që nuk ndalet. Për këtë arsye njihet si “Treni Bullgar”, një term që sipas disa burimeve vjen nga praktika të ngjashme që janë përdorur në vende të tjera në Europën Lindore.
5. Pse është efikase kjo metodë për manipuluesit? Kontrolli i votës është pothuajse total, sepse votuesi është i detyruar të dorëzojë një fletë të pastër, përndryshe nuk do të paguhet ose do të ketë pasoja.
6. Procesi është i vazhdueshëm dhe sistematik, duke bërë që manipuluesit të sigurojnë qindra mijëra vota të kontrolluara në një ditë votimi.
7. Për pasojë i gjithë sistemi manipulohet vetëm me një fletë të tillë. Imagjino me dy ose më shumë fletë të tilla çfarë mund të bësh në gjithë Shqipërinë./ SYRI
