Është mbyllur procesi i numërimit në bashkinë e Tepelenës, ku janë përpunuar të 22 qendrat e votimit.
Rezultatet përfundimtare i japin një fitore të thellë Partisë Socialiste të Shqipërisë, e cila ka marrë 3.214 vota ose 68.15% të totalit.
Në vend të dytë renditet Koalicioni Partia Demokratike – Aleanca për Shqipërinë Madhështore (PD-ASHM) me 1.003 vota (21.27%), ndërsa subjektet e tjera kanë marrë përqindje shumë të ulëta të votave, duke mos ndikuar ndjeshëm në balancën e garës.
