Një aksident i rëndë automobilistik është regjistruar pasditen e kësaj të diele në qytetin e Lezhës, në lagjen “Gurra”.
Nga informacionet paraprake mësohet se një automjet ka përplasur një këmbësore në momentin që po kalonte në vijat e bardha.
Këmbësorja ka mbetur e plagosur dhe është dërguar me urgjencë në spital, ku mësohet se ndodhet në gjendje kritike për jetën.
Policia raporton se ndodhet në vendin e ngjarjes dhe ka nisur hetimet për zbardhjen e plotë të rrethanave të aksidentit.
