Zhvillimi i “Giro d’Italia” i ka kushtuar taksapaguesve shqiptarë 7 milionë euro, por sikur të mos mjaftonin vetëm lekët, organizimi i këtiij aktiviteti është kthyer në një makth për qytetarët e Tiranës, Durrësit dhe Vlorës.
Ky aktiviteti e ka kthyer kryeqytetin në një “paralizë” prej dy ditësh me rrugë të bllokuara, duke shkaktuar një trafik shumë herë më të rënduar se në ditët normale.
Kaosi u shkaktua edhe nga mosqartësia nga ana e Policisë, ku në njoftimin për qytetarët thuhej se rrugët do të bllokoheshin në orën 10:00, ndërkohë që u bllokuan që në orën 08:00. Kjo solli bllokim të automjeteve në mes të rrugës.
Por, makthi nuk është vetëm për drejtuesit e automjeteve, por edhe për këmbësorët, pasi rruga është bllokuar edhe për ta.
Siç mund ta shihni edhe në videon e mëposhtme, Policia për shkak të “Giro d’Italia” ka detyruar qytetarët që kthehen nga puna që të kalojnë poshtë urës së Lanës.
Tirana festive që organizon evente “madhështore” nën kujdesin e Edi Ramës, në fakt është kthyer në makthin më të madh të qytetarëve. Vetëm për të plotësuar tekat e një narcisti, kryeqyteti i Shqipërisë dhe dy qytetet kryesore, Durrësi dhe Vlora prej dy ditësh janë në kolaps total.
Rama nuk nguroi që të shkonte që në mengjes sot dhe të dhuronte show dhe propagandë për “Giro d’Italia” dhe të shfaqte në video rganizatorin se sa i kënaqur ishte, por ndërkohë duhet të pyeste dhe qytetarët e vendit të tij se si po ndihen nga ky kaos që po përjetojnë në vendin e tyre.
