Kardinali Robert Francis Prevost, i cili u zgjodh sot Papa i ri, më pak se një muaj më parë kritikoi zyrtarët e administratës së Presidentit të SHBA-së Donald Trump dhe politikën e tij të imigracionit në mediat sociale, raporton Newsweek.
Prevost, i cili mori emrin e Papa Leoni XIV, ka bërë disa postime shumë kritike rreth trajtimit të emigrantëve nga Trump.
“Nuk ka asgjë të krishterë, amerikane apo moralisht të mbrojtshme në lidhje me një politikë që i largon fëmijët nga prindërit e tyre dhe i ruan në kafaze. Kjo po kryhet në emrin tonë dhe turp për të gjithë ne”, ripostoi kardinali i atëhershëm një postim nga një prej përdoruesve të X.
Kardinali Prevost kritikoi gjithashtu disa anëtarë të administratës Trump në mediat sociale, përfshirë zëvendëspresidentin JD Vance për një intervistë që ai dha për Krishterimin në Fox News. “JD Vance gabon. Jezusi nuk na kërkon të vlerësojmë dashurinë tonë për të tjerët”, tha në atë kohë Kardinali Prevost.
