Partia Demokratike, përmes njlë deklarate nga selia blu, ka denoncuar emrat që janë të përfshirë në krim zgjedhor për zgjedhjet parlamentzare të 11 Maj, të përfshirë kryesisht në blerje votash.
Ka qenë Albana Vokshi, e cila përmendi emër për emër, ku vihet re se të përfshirë në krime zgjedhore janë drejtorët e administratës publike dhe kryetarë të njësive administrative.
“Në qarkun Kukës, në bashkinë Kukës, në njësinë administrative Shishtavec, si dhe në Zapod, janë të përfshirë drejtues të drejtorive rajonale, të shkollave dhe njësive administrative që ushtrojnë presion mbi administratën shtetërore. Në Shishtavec janë Sami Mata – kryeinspektor i punës në Kukës, administratori i njësisë administrative, administratori i njësisë ekonomike dhe drejtori i shkollës së Shishtavecit. Po ashtu, në njësinë administrative të Topojanit: Agron Hoxha – drejtor i Tatimeve Kukës, administratori i njësisë dhe drejtori i shkollës. Në Zapod: Alpert Muja – drejtor i AKP rajonale, administratori i njësisë dhe drejtori i shkollës në Zapod.” – tha Vokshi.
Demokratët bënë me dije se raportet i kanë dërguar zyrtarisht tek Misioni i Vëzhguesve të OSBE/ODIHR-it, tek Misioni i OSBE-së në Tiranë, në Delegacionin e Bashkimit Europian në Tiranë, si dhe disa përfaqësi të tjera dhe ambasada.
