Ditën e djeshme Laçi u trondit nga një ngjarje e rëndë, ku 5 persona mbetën të plagosur pas përplsjes me armë zjarri.
Nga plagët e marra 24-vjeçari Gerald Bitri ndërroi jetë në spitalin e Traumës! I riu nuk mundi t’i mbijetojë plagëve të marra dhe humbi jetën mëngjesin e sotme.
Në gjendje të rëndë në spitalin e Traumës vazhdon të jetë edhe Amarildo Ndoj, 26-vjeç, ndërsa tre të plagosurit e tjerë Daniel Gjeloshi, 26-vjeç, Liridon Ismaili, 26-vjeç, dhe Angjelina Gjezaj, 58 vjeç janë jashtë rrezikut por po vazhdojnë të qëndrojnë në spital për mbikëqyrje.
Mbrëmjen e së shtunës policia njoftoi se kishte zbardhur dinamikën e ngjarjes dhe kishte vënë në pranga dy autorët Klevis Ndreca, 28-vjeç, si dhe Daniel Gjeloshi, 27-vjeç, i cili mbeti dhe i plagosur gjatë përplasjes me armë.
Ndaj tyre rëndojnë veprat penale “Vrasja në rrethana të tjera cilësuese” dhe “Mbajtja pa leje dhe prodhimi i armëve, armëve shpërthyese dhe i municionit”. Sipas policisë, janë përdorur dy armë zjarri (pistoleta), një armë e ftohtë (përforcues grushti), si dhe dy automjete, te cilat janë sekuestruar në cilësinë e provës materiale.
Policia tha se konflikti mes të rinjve ka nisur për motive të dobëta, për shkak të një aksidenti rrugor me dëme të vogla materiale, dhe më pas ka vijuar me përdorimin e armëve.
Si nisi sherri?
Të rinjtë janë konfliktuar verbalisht për shkak se gjatë lëvizjes me makinë kanë kapur pasqyrat e njëri-tjetrit. Konflikti verbal 5 minuta më vonë ka agravuar në përdorimin e pistoletave.
5 minuta para ngjarjes ka ndodhur konflikti për prekjen e pasqyrave të makinës dhe e kanë lënë të takohen e të sqarohen pak më tutje, në rrugën ku ndodhi edhe ngjarja.
Sapo kanë ndaluar dhe zbritur të gjithë nga makinat kanë dalë në këmbë e janë afruar. Ndreca ka nisur të qëllojë me armë. Ndreca dhe Gjeloshi kanë qëlluar me armë në drejtim të njëri-tjetrit.
Klevis Ndreca ka qëlluar me armë drejt tre të rinjve të tjerë të cilët i la të plagosur (sot në spital ndërroi jetë Gerald Bitri), nga të shtënat me armë i plagosur aksidentalisht mbeti edhe shoku i tij Amarildo Ndoj dhe shitësja ambulante.
Me armë zjarri pistoletë është kundërpërgjigjur edhe Daniel Gjeloshi, por nuk ka plagosur asnjë person. Arma që u gjet pak metra larg vendit të ngjarjes i përket 26 vjeçarit Daniel Gjeloshi.
Çfarë tha në polici Klevis Ndreca?
I arrestuari Klevis Ndreca, 28 vjeç ka qenë i pari që ka nisur të qëlloj me armë.
Në dëshminë e tij paraprake, 28-vjeçari ka deklaruar se ka qëlluar me armë drejt të rinjve sepse është trembur, pasi sipas tij, i ka parë që kanë pasur armë dhe kanë dashur ta godasin dhe për këtë arsye i ka qëlluar.
Klevis Ndreca ka qenë në makinë me Amarildo Ndojn, 26 vjeç, ndërsa Daniel Gjeloshi, 26 vjeç ka qenë në makinë me Liridon Ismailaj, 26 vjeç dhe Gerald Bitrin, 24 vjeç, ky i fundit ndërroi jetë sot në Spitalin e Traumës.
Klevis Ndreca pas ngjarjes është larguar në këmbë dhe është vetëdorëzuar në polici më pas, ku ka dorëzuar edhe armën e krimit. Ai është vetëdorëzuar pas lokalizimit nga policia ku kanë bërë kontrolle edhe me dron në zonën ku ishte fshehur.
Ky është i riu që humbi jetën
Personi që shihni në foton e mësipërme, është 24-vjeçari Gerald Bitri, i cili humbi jetën gjatë natës në spitalin e Traumës në Tiranë, pasi dje mbeti i plagosur rëndë pas një konflikti me armë zjarri në Laç.
Viktima, i cili nuk ka mundur t’i mbijetojë plagëve të marra nga plumbat pavarësisht përkujdesjes së mjekëve.
Geri Bitri së bashku me Liridon Ismalajn, Amarildo Ndojin, Daniel Gjeloshin dhe shitësen ambulante Angjelina Gjezaj, mbetën të plagosur pas një sherri mes dy grupesh që nisi për shkaqe tërësisht banale, siç është ajo e gërvishtjes së dy makinave.
Lexo edhe:
Përplasja me armë në Laç, gjithçka nisi për prekjen e pasqyrave të makinës! Ja kush qëlloi i pari
