Teksa fushata po afron drejt fundit, Tom Doshi ka ashpërsuar tonet me kryebashkiakun e Shkodrës, Benet Becin.
Gjatë një takimi me banorët e lagjes “Mark Lula” në Shkodër, Tom Doshi u kërkoi votën socialistëve, duke e konsideruar Benet Becin si një të infiltruar të PD-së dhe se të gjithë drejtorët në Bashki i ka vendos demokratë.
Gjatiashtu, Tom Doshi e akuzoi Benet Becin se po u bën presion për vota qytetarëve me ndihmën sociale, teksa theksoi se kryebashkiaku i Shkodrës do të përfundojë në burg pas zgjedhjeve.
Më tej, Tom Doshi pranoi indirekt se prej 20 vitesh ka qenë ai në krye të PS-së së Shkodrës.
“Në 2025 Benet Beci iu bën presion njerëzve me ndihmë sociale, duke i kërcënuar se do ua ndërpresë atë nëse nuk votojnë PS. I infiltruari i Sali Berishës erdhi me mision që të shkatërrojë PS në bashkinë e Shkodres nuk ka asnjë drejtor socialist, janë të gjithë të ardhur nga PD. Beneti është sigël e PS por bën punët e PD. Iu bëj thirrje socialistëve të votojnë PSD se pas zgjedhjeve Beneti do shkojë në burg. Vota për PSD është nderi më i madh që i bëjmë Benetit.
Këta kanë hallin se ne marrim 3 deputetë, se për 2 e kanë pranuar vetë. Kam besim se administrata dhe ata që marrin ndihmë sociale dhe që kanë probleme shëndetësore do votojnë PSD. Unë kam qenë 20 vjet që kam qenë edhe në krye të PS së Shkodrës, por karakterin tim të fortë nuk e durojnë servilat e PS. Ata që janë në lisën e mbyllur nuk kanë lidhje me PS e Shkodrës, ndaj socialistët të votojnë PSD dhe Tom Doshin sepse unë jam deputet.”, është shprehur Tom Doshi.
