Senati amerikan hodhi poshtë mbrëmjen e të mërkurës, me një votim të ngushtë 49 pro dhe 49 kundër, një rezolutë të demokratëve që synonte të ndalte tarifat tregtare të shpallura nga presidenti Donald Trump në fillim të këtij muaji.
Tre senator republikanë Raund Paul I Kentuckyt, Susan Collins e Main dhe Lisa Muyrkowski e Alaskës votuan pro rezulotuës së demokratëve në një kritikë të rrallë ndaj presidentit. Republikanët e tjerë në qëndruan krah Donald Trump në dhomën e Lartë të Kongresit Amerikan duke e quajtur rezolutën një manovër politike.
Trump shpalli tarifa tregtare në 2 prill ndaj pothuajse të gjithë partnerëve tregtarë të SHBA-së, por u tërhoq disa ditë më vonë pas një rënie të tregjeve financiare, duke pezulluar për 90 ditë aplikimin e taksave të importit.
Megjithatë, pasiguria për konsumatorët dhe bizneset amerikane mbetet e lartë. Të mërkurën, Departamenti i Tregtisë raportoi se ekonomia amerikane u tkurr me 0.3% gjatë tremujorit të parë të vitit – rënia e parë në tre vjet.
Presidenti Trump ka argumentuar se tarifat e tij po dëmtojnë fabrikat kineze dhe ka minimizuar shqetësimet për efektin tek konsumatorët amerikanë. “Ndoshta fëmijët do të kenë dy lodra në vend të tridhjetë,” tha ai të mërkurën. “Ndoshta ato dy lodra do të kushtojnë pak më shumë, por do t’i prodhojmë vetë.”
Lideri i demokratëve në Senat, Chuck Schumer, paralajmëroi se mosveprimi i republikanëve ndaj tarifave të Trump mund të ketë pasoja serioze për ekonominë. “E vetmja gjë që kanë arritur tarifat e Trump është rritja e gjasave për recesion dhe rrëzimi i tregjeve,” tha ai. “Sot, republikanët duhet të zgjedhin – të mbështesin Trumpin apo të qëndrojnë përkrah interesave të shteteve të tyre.”
