Edi Rama gjatë gjithë kohës kërkon ta shfaqë veten si një “Mesia”, shpëtimtarin e kombit shqiptar. Të njëjtën gjë ka bërë edhe gjatë rubrikës së sotme “Sy më sy”, ku tha se ai nuk po kërkon gjë për veten e tij, apo karrigen e pushtetit, por është me misionin që ta anëtarësojë Shqipërinë në BE.
Në lidhje me vitet e gjata në pushtet, Rama bëri krahasimin me kancelarët gjermanë.
Edi Rama: Partia më e re dhe më e vjetër është PS. Në listat e PS në çdo qark gjen më të rinjtë, edhe ata më me e eksperiencë. Nuk po kërkoj asgjë për veten time, nuk është fare këtu puna për veten time apo karrigen ku jam ulur, këtu është misioni im, i PS-së që të anëtarësojmë Shqipërinë në BE. Për këtë kam ardhur në këtë detyrë dhe për këtë rri në këtë detyrë. Sa i përket viteve numëro sa ka ndenjur kancelarë në gjermani dhe pyet veten nëse gjermanët janë popull në diktaturë apo çyrykë. Siç nuk janë shqiptarët as në diktaturë dhe as çyrykë. Një pjesë e madhe e burrave shkojnë në kënetë, preferojnë kënetën, e kupton se do thoshin “që nuk e duam Edi Ramën, nuk e preferojmë PS-në dhe po votojmë nuk e di, Stamo Dumon”, ok, por kënetën përsëri. Politikisht është skandaloze, nga të gjitha anët është skandaloze, është turp të mendosh se Shqipëria mund të përfaqësohet sërish nga këneta.
