Një automjet është përfshirë papritur nga flakët në afërsi të Tunelit të Kërrabës, në aksin nacional Elbasan–Tiranë.
Dëshmitarë në vendngjarje thonë se flakët u përhapën me shpejtësi, duke krijuar panik dhe kaos për pak minuta mes drejtuesve të tjerë të mjeteve. Për fat të mirë, nuk raportohet për të lënduar.
Shkaqet e zjarrit mbeten ende të paqarta, por dyshohet se mund të jetë shkaktuar nga një defekt teknik.
Zjarrfikësit mbërritën në kohë për të shmangur përhapjen e mëtejshme të zjarrit, ndërsa policia ka nisur hetimet për rrethanat e incidentit.
