Spanja dhe Portugalia kë të hënë ndodhen në terr, pasi ndërprerja e papritur dhe e gjerë e energjisë elektrike ka goditur sot një pjesë të madhe të qyteteve të gradishullit iberik.
Arsyet e ndërprerjes masive nuk dihen ende. Linjat telefonike u ndërprenë në të gjithë Spanjën. Autoriteti spanjoll i trafikut iu ka bërë thirrje popullatës që të mos përdorin automjetet nëse e kanë nevojë emergjente. Sistemi hekurudhor është paralizuar, dhe rrjeti kombëtar spanjoll njoftoi se të gjithë trenat janë ndalur në stacione dhe nuk ka nisje.
Autoritetet dyshojnë për sulm kibernetik, pasi hakimet e synuara kundër sistemeve elektrike, janë një shqetësim i madh për qeveritë dhe kompanitë e energjisë.
Juanma Moreno, Presidente e Qeverisë Rajonale Andaluziane u tha mediave se pavarësisht se nuk kishte asnjë komunikim nga qeveria apo ndonjë siguri, “vetëm bazuar në të dhënat nga Andaluzia, një ndërprerje e kësaj natyre mund të ishte një sulm kibernetik”.
Në këtë linjë, një dështim në një nënstacion ose linjë energjie mund të shkaktojë ndërprerje kaskadë që prekin disa qytete ose lagje të tëra. Një qark i shkurtër, një dështim i izolimit ose një dështim i thjeshtë mekanik në një transformator mund të jetë i mjaftueshëm për të shkaktuar ndërprerje, edhe pa shkaqe meteorologjike, informon ‘Marca’.
Qeveria spanjolle ka nisur një hetim për këto ndërprerje, duke shfrytëzuar ekipe teknike nga disa ministri. Deri më tani, autoritetet nuk kanë dhënë asnjë shpjegim për ngjarjen. Instituti Kombëtar i Sigurisë Kibernetike (INCIBE) po analizon gjithashtu situatën për të përcaktuar nëse mund të jetë një sulm kibernetik, por deri më tani nuk ka arritur në ndonjë përfundim.
Ministria e Brendshme spanjolle ka bërë thirrje për qetësi dhe po ndjek nga afër situatën, por për momentin nuk janë dhënë ende shkaqe zyrtare për defektin e gjerë në rrjetin energjetik. Ndërprerja e energjisë ka prekur rrjetet Ëi-Fi, trafikun rrugor për shkak të ndërprerjes së semaforëve, si dhe aeroportet dhe transportin hekurudhor e atë urban në disa qytete kryesore.
Sipas të dhënave të para, furnizimi me energji ka rënë duke paralizuar një pjesë të madhe të aktivitetit urban Spanja ka një rrjet të gjerë dhe kompleks të energjisë elektrike, i operuar kryesisht nga Red Eléctrica de España (REE) për transmetim dhe nga kompani të ndryshme shpërndarjeje (Endesa, Iberdrola, Naturgy, etj.). Ngjarjet ekstreme të motit: stuhi, rrufe, uragane, valë të nxehti ose të ftohta intensive që dëmtojnë infrastrukturën..
Qytetarët, të frikësuar dhe të pasigurt, janë drejtuar masivisht në rrjetet sociale për të ndarë përvojat, ndërsa autoritetet po punojnë për të rivendosur shërbimet.
Nuk ka ende një reagim zyrtar ndërkombëtar mbi këtë problem të rrallë të sigurisë energjetike që ka përfshirë disa shtete në të njëjtën kohë. Hetimet janë në vazhdim.
