Gazetari Armand Shkullaku është përplasur me Baton Haxhiun në lidhje me premtimin e Ramës për të punësuarit.
Ndërsa Haxhiu pretendon se Rama ka punësuar rreth 200 mijë shqiptarë, Shkullaku është përgjigjur me ironi se Rama ka punësuar 300 mijë njerëz, por në Gjermani, Greqi dhe Itali.
Shkullaku thekson se vitet e fundit fuqia punëtore ka ardhur duke rënë dhe emigracioni ka ndikuar në këtë pjesë.
“Sa është fuqia aktuale e Shqipërisë, sa ka qenë në vitin 2013 dhe sa është sot.
Sa ka qenë diferenca e të punësuarve në administratë në 2013 dhe sa është sot, dhe të bëjmë realisht ndryshimin.
Sepse po kemi ngelur aty ku ka qenë nuk kemi bërë ndonjë gjë.
Nëse 8-shja e Ramës e përkthyer në këto shifra shkon në 16%, atëherë ska bërë asnjë gjë.
Dhe kjo është ulje papunësie, sepse i ka punëson tjetër kush, bie shifra.
Nga 1.3 milionë banorë që ka qenë fuqia aktive për punë në vitin 2013, ka pasur 16 % të papunë.
Sot fuqia punëtore për punë është të paktën minus 400 mijë për mua, është rreth 800 mijë.
Po të them se fuqia punëtore ka ardhur duke rënë dhe emigracioni ka ndikuar në këtë pjesë. Të thuash do hap 300 mijë vende të reja punë, siç deklaronte Rama në 2013, i bie që nga 1.2 milionë që është fuqia punëtore, ku ¼ e këtyre, që janë 300 mijë do i fuste në punë.
Ky i ka futë në punë këta, por i ka futur në Greqi, Itali në Gjermani. Se njeh Melonin dhe njeh këta dhe u ka thënë më gjeni ndonjë vend pune.
Ky në Shqipëri nuk ka punësuar 1.4 sepse do i bie që papunësia do ishte zero në Shqipëri sot, në krahasim me 2013. Jo që të mos kishte të papunë, por të punonin njerëzit nga dy punë”, tha Shkullaku në SYRI TV.
