Personi që shihni në foton e mësipërme është 58-vjeçari Renato Hoxhaj, i cili u ekzekutua në orët e para të mëngjesit të djeshëm në qytetin e Vlorës, ku u qëllua me armë zjarri pistoletë në shkallët e hyrjes së tij.
Teksa kanë kaluar më shumë se 24 orë, krimi vijon të jetë ende pa autor dhe i mbushur me mister. Ka qenë bashkëjetuesja, ajo e cila ka dëgjuar fillimisht nga banesa të shtënat dhe më pas e ka gjetur 58-vjeçarin të vrarë dhe ka njoftuar Policinë.
Viktima punonte si roje, teksa sipas bashkëjetueses së tij, prej rreth 1 viti e gjysmë, ai nuk qëndronte më në punë natën, por vetëm ditën. Në komisariatin e Vlorës, kanë dëshmuar familjarë, komshinj dhe kolegë të Renato Hoxhajt, të cilët thjesht kanë pohuar se viktima ishte një njeri pa probleme dhe nuk kishte pasur konflikte me askënd.
58-vjeçari u qëllua 4 herë, ku fillimisht kishte marrë një plumb një plumb në trup dhe dy herë në kokë, nga një distancë e afërt. Momentalisht dyshohet se kemi të bëjmë vetëm me një person që ka kryer krimin.
Nga hetimet paraprake dyshohet se autori ka hyrë nga një rrugicë pas pallatit ku 58-vjeçari punonte, duke i dalë këtij të fundit përballë. Nuk përjashtohet mundësia që personi që ka kryer krimin të jetë ndihmuar me informacione të bollshme rreth lëvizjeve dhe vendndodhjes së tij.
Pistat kryesore të hetimit janë konfliktet e mundshme së fundmi dhe përfshirja në ndonjë ngjarje. Dyshohet se autori ka lëvizur në këmbë dhe e njihte mirë terrenin dhe itinerarin. Mendohet të jetë larguar në një tjetër rrugicë, gjithashtu në errësirë të plotë dhe pa kamera sigurie, pas banesës së 58-vjeçarit, që të nxjerr në lagjen pranë.
58-vjeçari jetonte i vetëm në shtëpi. Ishte babai i dy fëmijëve të rritur. Gruaja e tij e parë jetonte në Itali dhe shpesh fëmijët vinin për ta takuar. Prej kohësh jetonte me një bashkëjetuese të dytë.
