Kryedemokrati Sali Berisha gjatë një takimi ditën e sotme ka hedhur akuza ndaj kryeministrit Edi Rama për lojërat e fatit.
Berisha tha se Rama premtoi mbylljen e lojërave të fati, por këtë biznes ua dha banditëve të drogës.
Më tej kreu i PD-së thekso se Shqipëria është e para në Europë për konsumimin e kokainës.
“Edi Rama nëse u kujtohet ju, kur erdhi në pushtet tha se do ndalonte lojërat e fatit se ato krijojnë shumë probleme familjare.
Dhe e vërteta është se krijojnë. Ai jo që nuk i ndaloi lojërat e fatit, por përkundrazi lojërat e fatit i shtoi në duart e banditëve dhe u shtoi atyre drogën.
Sot a mund të imagjinoni ju një vend që nuk kishte njohur kurrë në histori kokainën, është konsumatori kryesor i kokainës për frymë në Europë dhe kjo është totalisht pasojë e narkoshtetit”, tha Berisha.
