Presidenti i SHBA Donald Trump, i cili pretendoi se do t’i jepte fund luftës së Rusisë në Ukrainë në ditën e tij të parë në detyrë, tha sot se ai ka afatin e tij për konfliktin dhe se Ukraina dhe Rusia duhet të negociojnë të dyja.
“Unë kam afatin tim,” u tha ai gazetarëve në Shtëpinë e Bardhë përpara takimit të tij me kryeministrin norvegjez Jonas Gaard Store në Shtëpinë e Bardhë.
Pak më herët, Trump tha se beson se presidenti rus Vladimir Putin do ta dëgjojë atë për të ndalur sulmet në Ukrainë, pasi ai e kërkoi sot t’i jepte fund sulmeve, në një postim në Truth Social.
Me të hyrë në Shtëpinë e Bardhë së bashku me kreun e qeverisë norvegjeze, Trump u pyet nga një gazetar nëse mendonte se Putini do ta dëgjonte.
“Unë besoj se po”, u përgjigj presidenti amerikan.
