Një denoncim tepër shqetësues ka hedhur dritë mbi një akt dhune të rëndë në qytetin e Elbasanit, ku përfshihen emra të njohur të botës së krimit dhe një kandidate për deputete e Partisë Socialiste.
Sipas qytetarit denoncues për “JOQ”, ngjarja ka ndodhur pak ditë më parë, kur Shkëlzen Hasanpapa, një individ me të kaluar kriminale brenda dhe jashtë vendit, ka dhunuar brutalisht Avni Memën, i njohur si shofer i një ish-zyrtari të lartë shtetëror.
Burimet pretendojnë se ngjarja ka ndodhur me porosi të Sara Milas, kandidate për deputete e PS-së në Elbasan, e cila përflitet se gëzon mbështetjen e grupeve të krimit të organizuar në këtë qytet. Dyshohet se sulmi ndaj Memës është kryer si formë hakmarrjeje, pasi ai kishte refuzuar ta mbështeste Sarën në zgjedhjet e 11 majit, duke preferuar të angazhohej në fushatën e një tjetër kandidateje të së njëjtës parti.
Sipas denoncimit, pasi kandidatja Sala Mila ka shprehur pakënaqësinë te ‘miqtë’ e saj të fortë, këta të fundit urdhëruan që Hasanpapa t’i jepte “një mësim” Avni Memës. Ky i fundit përfundoi në spital me fraktura të shumta, si pasojë e dhunës së egër fizike.
Qytetari që ka raportuar ngjarjen i bën thirrje institucioneve të reagojnë dhe të marrin masa të menjëhershme ndaj autorëve dhe urdhërdhënësve, duke e konsideruar këtë si një tregues të rrezikshëm të agresivitetit që po karakterizon fushatën elektorale në nivel lokal.
Në sipërfaqe fushata mund të duket e qetë, me batuta të zakonshme politike, por në terren ndodhin sulme të tilla, që ngjasojnë më shumë me gjueti hienash sesa me garë demokratike.
Denoncimi i qytetarit për JOQ: “Dua te denoncoj nje rast ne Elbasan. Killeri i bandes se Elbasanit para disa ditesh ka dhunuar shoferin e ish ministrit te brendshëm. Shkelzen Hasanpapa, emër i njohur në botën e krimit të organizuar, dhunon rëndë Avni Memën, shofer i ish ministrit të Brendshëm, për shkak të mosmbështetjes së Sara Milas, kandidates së preferuar të grupeve mafioze.
Sipas burimeve të sigurta, ngjarja ka ndodhur pak ditë më parë në Elbasan. Hasanpapa dyshohet se ka kryer personalisht dhunimin fizik ndaj Memës me urdhër të grupeve kriminale që po mbështesin kandidaten për deputete Sara Mila.
Shkaku i dhunës mendohet të jetë fakti se Avni Mema nuk ka pranuar të mbështesë kandidaten Mila dhe është angazhuar në favor të kundërshtarëve të saj brenda partisë. Avni Mema është transportuar në gjendje të rëndë në spital, ku po merr ndihmë mjekësore për dëmtime të shumta trupore. Ka mundësi ta postoni që të meren masa për këtë rast!”
