Një ditë para seancës konstituive te legjislaturës së 9 të Kosovës, situata është komplikuar edhe më shume. Kjo pasi qartësimi qe pritej se do ta bënte kryetari i Nismës Fatmir Limaj, nëse me 15 prill do te kemi zgjedhjen e kryeparlamentarit dhe hapjes se rrugës për votimim e qeverise së re nuk ndodhi.
Ai tha se nuk kane marrëveshje me asnjë parti deri me tani.
“Nisma nuk ka marrëveshje me askënd deri më sot dhe është e gatshme, madje do të punojë fort që Kosova t’i formojë institucionet dhe të mos shkojë në një krizë parlamentare. Ajo që mund të themi deri më tani është se nuk kemi asnjë marrëveshje me asnjë grupacion politik. Çka do te ndodh do ta shohim nesër e tutje. Nesër nis ky proces”,-tha Limaj.
Limaj mohoi të ketë marrë ndonjë shkrese nga partneri i koalicionit, Ramush Haradinaj, për atë qe ky i fundit e konsideron tradhti. Ndërsa shtoi se janë te hapur për te gjithë.
Por, ishte Haradinaj ai qe me herët e beri te ditur një gjë te tille ku dha dhe komentet e tij rreth veprimeve te Limajt.
“Edhe nëse Nisma dhe Limaj mbështesin pushtetin, kuptohet që ata ndahen nga ne. Por është një ndarje mjaft e turpshme, për shkak se kemi kërkuar votë për ndryshim, dhe sjellja e tyre, veprimi i tyre është mjaft i turpshëm”,-tha Haradinaj, kryetari i Aleancës për Ardhmërinë e Kosovës.
Nga ana tjetër, përfaqësuesit e shumicës se partive nga pakicat serbe, tashme janë rreshtuar krah Vetëvendosjes. Ata thane se dihet edhe kandidati për kryeparlamentar, por nuk e treguan emrin.
“Nesër votojmë kryetarin e parlamentit e shohim pastaj se si do të shkojë procedura. Unë besoj që qeverinë Kurti do ta votojmë sa më shpejt. Ne e dimë (se kush është kandidat për kryetar të Kuvendit), por këtë kryeministri duhet ta thotë”,-u shpreh Emilija Rexhepi, zv.kryeministre e Kosovës
Ndërkohë, edhe ministri ne detyre për kthim dhe komunitete, Nenad Rashiç, ka rikonfirmuar mbështetjen për Kurti 3.
“Po nëse ka ndonjë propozim i cili është i arsyeshme, rregullat tregojnë se partia më e madhe, në këtë rast LVV-ja, ka të drejtën e propozimit të kryeparlamentarit. Nuk e shoh ndonjë problem në atë aspekt. Jam pesimist për krijimin e një qeveri në të cilën partia më e madhe sikur që prapë po them kjo është me rëndësi që të kuptohet që partia politike që e ka marrë pothuajse gjysmë e ulëseve që i takojnë komunitetit shqiptar, normalisht që është adresa e duhur për krijimin e institucioneve”,-tha Nenad Rashiç, ministër në detyrë për kthim dhe komunitete
Presidentja Vjosa Osmani caktoi 15 prillin si datë për seancën konstituive të kuvendit te Kosovës, ku pritet te zgjidhen organet drejtuese te tij dhe me pas ti hape rruge krijimit te qeverise se re. Deri me tani Vetëvendosje si parti fituese e zgjedhjeve te 9 shkurtit nuk i ka numrat e mjaftueshëm për këtë gjë. Gjithçka pritet te qartësohet te martën, nëse kjo parti do te arrij ta zgjedh kryetarin e kuvendit dhe te nis procedurat për themelimin e ekzekutivit te ri, i cili pritet te drejtohet nga Albin Kurti.
