Më shumë se 1700 ha me pemtore janë dëmtuar nga ngricat në qarkun e Dibrës. Fermerët thonë për tvklan se i gjithë prodhimi është shkatërruar dhe dëmi është kolosal.
Në këtë situatë ata kanë kërkuar ndihmë nga autoritetet.
“Na është dëmtuar çdo mall që kemi, mollë, dardhë, qershi, të gjitha. Janë shkatërruar totalisht”.
“Unë jetoj me to, jam vet i 5 në familje dhe jetoj me atë bujqësi. Nuk po kërkoj as punë, as të më japë lekë dore. Të paktën të interesohet dhe të më japë shpenzimet që kam bërë”.
“Ne kërkojmë nga shteti të na japë shpenzimet. Naftën e keimi blerë me lekë në dorë, plehrat kimike i kemi blerë me lekë në dorë, pesticidet i kemi blerë me lekë në dorë”.
Qarku i Dibrës nuk ishte i vetmi i prekur nga moti i keq me dëborë dhe ngrica gjatë javës së kaluar. Dëme në pemtari pati edhe në juglindje.
