Ministrja e Infrastrukturës dhe Energjisë, Belinda Balluku, njoftoi ditën e djeshme se “Rruga e Kombit” do të jetë e aksesueshme pa pagesë për 24 orë, në prag të protestës që do të zhvillohet sot, ora 17:00, në sheshin “Skënderbej”, Tiranë, në mbështetje të ish-udhëheqësve të Ushtrisë Çlirimtare të Kosovës që ndodhen aktualisht në paraburgim në Hagë.
Por realiteti është ndryshe dhe fjalët e ministres rezultuan sërish mashtrime! Udhëtarët që nisën rrugën drejt kryeqytetit raportuan se pagesa në pikën e Kalimashit u kërkua normalisht, si çdo ditë tjetër.
“Na e dhanë fjalën që do kalonim falas për të shkuar në protestë, por në vend të nderit, na kërkuan pagesë si gjithmonë. Mashtrim i pastër!” – tha për Syri Kosova një qytetar nga Prishtina që udhëtoi drejt Tiranës.
