Një incident i rëndë raportohet se është regjistruar mbrëmjen së enjtes në ambientet e Pallatit të Sportit “Asllan Rusi” në Tiranë. Raportohet se këtë incident është përfshirë kryebashkiaku i Lezhës, Pjerin Ndreu.
Sipas raportimeve, Ndreu ka ushtruar dhunë ndaj Sekretarit të Përgjithshëm të Federatës Shqiptare të Basketbollit, Franko Bushati.
Ngjarja më tej bëhet me dije se ka ndodhur gjatë zhvillimit të ndeshjes mes Vllaznisë dhe Besëlidhjes.
Fillimisht mes tyre ka pasur një përplasje verbale, e cila më pas ka përshkallëzuar në konfrontim fizik.
Ngjarja është denoncuar pranë Komisariatit të Policisë Nr.2 në Tiranë, ndërsa shkaqet e sherrit ende nuk janë bërë publike.
