Një i ri shqiptar është arrestuar nga policia italiane, pasi u kap me mbi 8 kg kokainë nga Guardia di Finanza e Parmës .
Arrestimi u bë pranë kryqëzimit të autostradës Parma, ku 28-vjeçari, banues në Langhirano, u ndalua teksa drejtonte një makinë.
Gjatë procedurave të identifikimit, i riu ka shfaqur shenja nervozizmi, duke ngjallur më tej dyshimet e efektivëve, sipas mediave italiane.
Gjatë një kontrolli më të plotë të automjetit, oficerët gjetën një mbulesë tapeti të instaluar posaçërisht që ishte ndryshe nga pajisjet origjinale të makinës.
